Faly miarahaba tompoko,

Faly manasa anao mpiaramitolona manohitra ny fanonganam-panjakana nataon-dRajoelina sy ny forongony hatry ny ela ,

- ianao mpanohana mangina ary tsy tia resabe na fisehoana be loatra ,
- ianao tia filaminana ary mandàla ny fihavanana tena Malagasy ,
- ianao tsy tia voninahitra na eboebo !

Manasa anao izahay tapakao sy havanao Mpanohana ny ara-dàlana aty avaratr’i Frantsa sy ny Firenena Benelux mba :

HIARA HIBANJINA NY HO AVIN’NY FIRENENA RAHAPITSO

Ny Asabotsy faha 13 Febroary 2010 ao amin’ny : Maison des Etudiants (MDE) Lille 1 VILLENEUVE D’ASCQ manomboka amin’ny 3 ora tolak’andro.

Manasa anao am-pitiavana hifanapatapak’ahitra . Manasa anao amin-kitsi-po hiara hifaly fa mbola velon’aina amin’izao fiandohan’ny taona izao : aleo hono tara toy izay tsy misy !

Endrika mirana sy fo velomin’ny fitiavan-tanindrazana tsy ho eo ambany ziogan’ny mpanjanaka no andraisanay anao sy ny namana ary ny fianakaviana rehetra miandrandra ny fitrakàn’ny Firenena Malagasy hotantanin’ny olona tena sahaza izany araka ny safidy malalaka izay tsy maintsy hisy.

« Ny herikerika hono no mahatondran-drano ary hanin-jaraina mora lany ny entan-jaraina mora zaka »

Koa manainga ny rehetra izay maniry ny filaminana sy ny fandriampahalemana tsy ankanavaka ny aty Avaratra satria :

« NY HEVITRY NY MARO MAHATAKA-DAVITRA ARY NY ADIDY TSY AN’OLON-DRATSY »

Manao veloma finaritra ary mirary finaritra sy mirary soa indrindra ary manantena ny hifampitafa sy hidinika tsy ho ela.
(Ampitampitao maro)

Le Diaspora Malagasy pour un Etat de Droit à Madagascar